ಆಕಸ್ಮಿಕವಾಗಿ ನನ್ನೆಡೆಗೆ ಬೀಸಿದ ಗಾಳಿ
ಮತ್ತೆ ನನ್ನ ಬಿಟ್ಟು ಎತ್ತಕಡೆಯೂ ಹೋಗಲಿಲ್ಲ
ಮೊದಮೊದಲು ನಾನದನ್ನು ತಂಗಾಳಿ ಎಂದು
ಆಸ್ವಾದಿಸಿದೆನು, ಹುಚ್ಚೆದ್ದು ಕುಣಿದೆನು
ನನಗಾಗ ಉಳಿದ ಪ್ರಾಪಂಚಿಕ ಅರಿವಿರಲಿಲ್ಲ
ಆದರೆ ಮುಂದೊಂದು ದಿನ ಅದೇ ಗಾಳಿ
ಬಿರುಗಾಳಿಯಾಗಿ ನನ್ನನ್ನೇ ಸರ್ವನಾಶಗೊಳಿಸೀತು
ಎಂಬ ಸಣ್ಣ ಕಲ್ಪನೆಯೂ ನನಗೆ ತಿಳಿಯದಂತೆ ಮಾಡಿತು
ಏನು ಹೇಳಿದರೇನು? ಎಷ್ಟು ಅತ್ತರೇನು?
ಮತ್ತೆ ಆ ನೆಮ್ಮದಿ, ಆ ನಿಷ್ಕಲ್ಮತೆ ನನಗೆ ದೊರಕೀತೇ?
ಅದು ಬರೀ ಗಾಳಿಯಾಗಿದ್ದರೆ ಸಾಕಾಗಿತ್ತೋ ಏನೋ
ಆದರದು ಬೆಂಕಿಯೊಂದಿಗೆ ಸರಸಾಟಕ್ಕೆ ಇಳಿಯಿತು
ಮಂದಾಗ್ನಿಯೆಂದು ತಿಳಿದು ಸುಮ್ಮನಿದ್ದೆ
ಜ್ವಾಲಾಗ್ನಿಯಾಗವವರೆಗೂ ನನಗದರ ಕಾವು ಮುಟ್ಟಲಿಲ್ಲ
ನನಗೇನು ಗೊತ್ತಿತ್ತು ಮುಂದೊಂದು ದಿನ ಅದು
ಪ್ರಳಯಾಗ್ನಿ ಆದೀತು ಎಂದು..ಏನು ಮಾಡೋಣ
ನಂದಿಸಲಾಗದ ಅಗ್ನಿಯೊಳು ಬೆಂದು ಸುಡುತಿಹೆನು
ಈಗ ಎಷ್ಟು ನೀರು ಸುರಿದರೇನು?
ಸುಟ್ಟು ಭಸ್ಮವಾದದ್ದು ಮತ್ತೆ ಸಿಕ್ಕೀತೇ?
ಮನದಾಗ್ನಿ ತಣಿದೀತೆ?
ಉತ್ತರವಿಲ್ಲದ ಪ್ರಶ್ನೆಗೆ ಉತ್ತರಿಸುವವರಾರು?
ಉಳಿದ ಬೆಂದ ದೇಹವೀಗ ನಿರ್ಜೀವವಾಗಿದೆ
ಈ ಚಿತೆಗೀಗ ಬೇಕಿರುವುದು ಒಂದು ಕೊಳ್ಳಿಯ ಸ್ವರ್ಶ
ಹಾ! ಆವಾಗಲೇ ಈ ಕಾಡುವಿಕೆಗೆ ಅಂತ್ಯವಿದ್ದೀತಲ್ಲವೆ?
ಲೋಡ್ ಆಗುತ್ತಿದೆ......
ಪ್ರತಿಸ್ಪಂದನಗಳು